Ang kasaysayan ng Paglikha, nilikha ng literal na anim na araw ang langit at lupa at lahat ng nangarito, ang bawat araw ay may gabi at umaga, nilalang ang tao sa wangis ng Dios

Ang Halamanan ng Eden, ang paglalang ng babae, ang Sabbath ng Panginoon, ang institusyon ng pagkakasal sa pagitan ng lalaki at babae

Nagkasala ang tao, inihayag ng Dios ang kaparusahan sa tao at kay Satanas, ang pangako ng pagtubos sa Genesis 3:15, pinalayas sa Eden ang tao

Si Cain at Abel, pinatay ni Cain si Abel, ang tatak ni Cain, ang dalawang uri ng lahi ng tao sa angkan ni Cain (anak ng tao) at angkan ni Set (anak ng Dios)

Ang lahi (genealogy) ni Adan hanggang sa pagdating ng baha

Ang kasamaan ng mgabtao ay lumala kaya binigyan aila ng Dios ng 120 taong palugit (probation) bago dumating ang baha. Ang mga anak ng Dios (linya ni Set) at ang mga anak ng tao (linya ni Cain) ay nakipagpangasawahan. Nagpasya ang Dios na lipulin ang kanyang nilikha sa baha na kanyang ipapadala. Pinagawa si Noe ng barko para maligtas sya at ang kanyang pamilya, pati ang mga hayop at mga ibon na isasakay sa barko. Ang barko ay may sukat na 135 metro x 22 metro x 13.5 metro. Ito ay may 3 palapag, isang pinto sa gilid. Pinag-ipon din sya ng pagkain nila at ng mga hayop.

Pumasok sa barko si Noe at ang kanyang pamilya. Pumasok din ang mga hayop at mga ibon, tig-iisang pares ng marurumi ant tig-pipitong pares ng malilinis. Ang isang pares ay babae at lalaki. Sinara ng Dios ang pinto ng Barko. 7 araw ang lumipas bago bumuhos ang ulan noong ika-17 araw ng ika-2 buwan. Umulan ng 40 araw at 40 gabi, nabuksan ang mga bukal sa lupa. Natabunan ang buong mundo ng tubig na lagpas ng 7 metro sa taluktok ng bundok. 600 taon si Noe ng pumasok sa barko. Nagsimulang bumaba ang tubig pagkatapos ng 150 araw.

Ika-17 araw ng ika-7 buwan sumadsad ang barko sa mga bundok ng Ararat (hindi Yung modern day Ararat mountain kundi sa mountain ranges ng Ararat). Eksaktong 150 days or 5 months (30 days per month). Ng ika-27 araw ng ika-2 buwan ay binuksan ng Dios ang pinto ng barko at lumabas si Noe, ang kanyang pamilya, at ang mga hayop at mga ibon. Sila ay nasa loob ng barko ng 1 taon at 17 araw or total na 377 araw. Naghandog si Noe sa Panginoon at nangako ang Panginoon na hindi na Nya uling lilipulin ang mundo sa baha. Si Noe ay 600 taon ng pumasok sa barko at 601 taon ng lumabas sa barko.