في الحلقة دي ضيفنا هو كريم طاحون مؤسس The Garments Group. كريم بيشاركنا تفاصيل في نمو البيزنس قدر يتعلمها على مدار سنين وحابب يوفّر على الناس الوقت ده ويشاركهم الخلاصة.

هنتعرف أكتر على طرق إدارته ل ٢ براندز منهم واحد Luxury وازاي قدر يبيع ب٢ ونص مليون جنيه في نص ساعة!

- بعد فلترة أكتر من ٣٠٠٠ أبليكيشن - هو ده الموظف اللي تم تعينه

في الحلقة دي بنناقش ازاي تختار الأدوات أو البرامج اللي تستخدمها في البيزنس بتاعك. هنتكلم في طريقة البحث عن أدوات مش مشهورة ومش مكلفة وبتكون احسن كمان من برامج الشركات الكبيرة. وإزاي تتخلص من الاشتراكات الشهرية اللي بتدفعها من غير ما تعود عليك بمكسب.

السيرفرات المقترحة خلال الحلقة:

Cloudron

Yunohost

Coolify

Linode

Digital Ocean

في الحلقة دي هنتكلم عن إزاي تقدر تؤسس أو توسّع البيزنس بتاعك في السوق الأمريكي من غير ما تحتاج تسافر. هنغطي الخطوات العملية اللي ممكن تبدأ بيها، وكمان هنوضح الأخطاء الشائعة وإزاي تتجنبها.

في الحلقة دي نستضيف عبد العظيم عثمان، أحد مؤسسين Nawy

عبد العظيم بيحكي لنا عن قصة تأسيس الشركة و رحلتهم في مجال التسويق العقاري و ازاي قدروا يطوروا استراتيجياتتسويقية يتغلبوا بيها على التحديات اللي واجهتهم في Meta و Google.

و ده كان من أسباب ان Meta يتواصلوا معاهم بشكل مباشر.

Nawy حققت نتائج استثنائية و قدروا يبيعوا ب ٦٥ مليار جنيه في سنة واحدة..

في الحلقة دي ضيفنا هو أحمد حلمي، مؤسس Rush Brush.

أحمد بيحكيلنا عن بداية راش براش كفكرة لحد ما وصلوا لواحدة من أقوى العلامات التجارية في السوق المصري.

و بنناقش كمان استراتيحيات خدمة العملاء الاستثنائية و طريقة تسعيرهم للمنتجات، و إزاي قدروا انهم يدخلوا منافسة مع براندات عالمية كبيرة.

في الحلقة دي بنناقش ازاي الAI مينفعش استخدامه يقتصر على الشات بس، وبنتكلم في ٣ أفكار لاستخدام الAI في صميم الشغل!

و هنتكلم في أمثلة لاستخدام الAI بتحسّن الانتاجية و في بعض الأشغال بتبدّل بيها فرق عمل كاملة!

في الحلقة دي، ضيفنا هو عز، الشريك المؤسس لـ In Your Shoe، وبيحكيلنا عن رحلة البراند من أول ما بدأ بشراب واحد، لحد ما وصلوا النهاردة لأكثر من 70 منتج.

لكن In Your Shoe مش مجرد براند فاشون، التجربة عندهم مختلفة تمامًا عن أي براند تاني. عز بيكلمنا عن إزاي قدروا يخلقوا تجربة عميل مميزة، وكمان عن الشراكات الكبيرة اللي عملوها، واللي كانت خطوة مهمة في نموهم